hvort sé rétt að leika Guð í þessu máli

I

hvort fóstur sé með Downs-heilkenni
og hvort ekki sé verjandi að mæta og sjá liðið orma sig út úr þeirri pælingu

hvort æskilegt sé að fá mat trúnaðarlæknis
og hvort sé ekki betra þá að vera á bótum

hvort rétt sé að fjölmiðlar birti hitt og þetta
og hvort sé verið að lýsa því hvernig hlutirnir sjálfir séu

hvort Barnaland sé að taka æruna af fólki
og hvort hægt sé að fullnægja slíkum dauðadómi

hvort sé maður með eða á móti manni
og hvort sé betur fallið til að stjórna samfélaginu

hvort sé matar nokkuð
og hvort sé mæta nokkuð

hvort ég sé of feit eða ekki
og hvort sé um að ræða lærða hegðun

hvort sé alvarlegra að höggva tré til timburframleiðslu eða troða það til dauða
og hvort pizzan sé ekki örugglega dauð

hvort þvag sé í bleiu
og hvort nægur hemlavökvi sé á forðabúrinu

hvort sé dýrara eigið fé eða skuldir
og hvort sé skæðara agnið

II

hvort trú sé trúleysi
og hvort sé hræðilegra

hvort Guð sé til
og hvort sé eitthvert mark takandi á honum hafi hann einhvern tíma verið til

hvort sé við hæfi að breyta textum ritningarinnar
og hvort þetta sé ekki bara Fjórða Sálmabók

hvort sé verið að velta vöngum yfir hvernig hugsunarháttur manna í den sé inntakið
og hvort sé í raun vænlegra til mannlegrar farsældar

hvort hér sé verið að leggja nafn Drottins Guðs við hégóma
og hvort það sé í eintölu eða fleirtölu

hvort um vísindi sé að ræða ef tæknin virkar
og hvort sé hann Kristur

hvort samkeppni sé í öllum tilvikum fullnægjandi
og hvort ekki sé ráð að líta nánar á fantasíuna

hvort sé hæna
og hvort sé egg

III

hvort ríkjandi skólakerfi sé yfirleitt í stakk
og hvort það sé lánshæft hjá LÍN

hvort sé rabatt fyrir stúdínur
og hvort ekki sé eðlilegt að halda miðilsfundi í opinberum skólum

hvort sé skynsamlegra að kenna eitthvað í öllu en ekkert sérlega vel
og hvort um lesblindu sé að ræða

hvort réttara sé að kenna ákveðna hluti vel
og hvort sé verra, glæpir eða heimska

IV

hvort sé nær lagi að kalla Hugsjónadrusluna misheppnaða
og hvort einhverju sé ábótavant

hvort sé hægt að redda þessu
og hvort sé verið að rífast eða halda uppi eðlilegum tjáskiptum

hvort Danmerkurdraumurinn sé að snúast upp í martröð
og hvort þörf sé á endurskoðun samkeppnislaga

hvort kver mitt sé skrifað
og hvort rétt sé að leggja til hliðar verðleiðrétt reikningsskil

hvort sé hægt að vera barn á ný eftir að hafa verið hermaður
og hvort sérstakur fyrirvari sé nauðsynlegur

hvort sé verið að þjóna hagsmunum örfárra aðila
og hvort hægt sé að kenna fólki að veita framúrskarandi þjónustu

hvort sé veröldin skáldskapur eða skáldskapur hrein blekking
og hvort sé merkari list

hvort ástæða sé til að drösla draugum fortíðar inn í nýja og gerbreytta veröld
og hvort sé yfirleitt raunhæft fyrir alþýðuna að taka völdin

hvort að það sé kostur sem Dalvíkingum líst betur á
og hvort sé betra að vera með öllu hugsjónalaus

V

hvort sé siðferðilega rétt að leyfa fóstureyðingar
og hvort sé einhver leið til baka

hvort sé rétt og hvort sé rangt
og hvort sé verra

hvort sé betra að hugsa um lest eða taka léttan strætó
og hvort sé rétt

hvort um tauga- eða sinaskaða sé að ræða
og hvort sé ekki allt í lagi

hvort hægt sé að mynda peptíð með lífvirkni úr kolmunna
og hvort nokkuð sé vandfarið með það

hvort sé siðferðislega réttlætanlegt að drepa hvali
og hvort sé sniðugara/hagstæðara

hvort setning sé afleiðing af frumsetningunum
og hvort sé verið að tala allt í kaf með yfirgengilegum kjaftagangi

hvort sé líf á öðrum hnöttum
og hvort sé vænlegra

hvort pepsi eða kók sé betra
og hvort sé betra við hverju

hvort sé réttara tappastrumpari eða strumpatogari
og hvort sé verra af tvennu illu

hvort mikilvægt sé að fjalla um samkynhneigð
og hvort ginsenósíð sé hið virka efni ginsengs

hvort sé réttara að bera giftingarhringinn á vinstri eða hægri baugfingri
og hvort málið sé til athugunar

hvort sé orsök eða afleiðing
og hvort sé betra eða verra

hvort sé dagur eða nótt
og hvort sé blekking

hvort hann sé á réttri leið í partýinu
og hvort hún sé hvolpafull eða ekki