Mynd: Ave Maria Mõistlik Smellið fyrir hærri upplausn.
Eiríkur Örn Norðdahl er rithöfundur, þýðandi og ljóðskáld. Hann hefur gefið út þrjár skáldsögur, sex og hálfa ljóðabók, ritstýrt tveimur bókum um ljóðlist og gefið út stutta bók um bókaþjófnað og höfundarrétt. Auk þess hefur hann þýtt fjölda bóka. Síðastliðin ár hefur hann unnið úr evrópskum og norður-amerískum framúrstefnuhefðum, við sundurtætingu tungumálsins í myndrænar, hljóðrænar, félagslegar og málfræðilegar einingar sínar – og unnið með bæði myndljóð, hreyfimyndaljóð og hljóðaljóð. Hann vann sérstök aukaverðlaun á Zebra ljóðmyndahátíðinni í Berlín 2010.
Eiríkur ferðast víða til þess að lesa upp ljóð sín. Ljóð hans hafa verið þýdd á yfir tíu tungumál og ritgerðir hans hafa einnig birst víða um heim. Skáldsagan Eitur fyrir byrjendur var þýdd á bæði þýsku og sænsku og árið 2011 gaf finnska forlagið poEsia út ritgerðir hans á ensku, undir heitinu Booby, Be Quiet! Sama ár gaf þýska forlagið Kozempel & Timm út úrval ljóða hans í þýðingu Alexanders Sitzman og Jóns Bjarna Atlasonar, með myndskreytingum eftir Franzisku Schaum.
Árið 2006 fékk Eiríkur viðurkenningu í Ljóðstafi Jóns úr Vör, fyrir ljóðið Parabólusetning og árið þar á eftir fékk hann hin erótísku stílverðlaun lestrarfélagsins Krumma, Rauðu fjöðrina , fyrir kafla úr skáldsögunni Eitur fyrir byrjendur. Árið 2008 hlaut Eiríkur íslensku þýðingaverðlaunin fyrir Móðurlausa Brooklyn eftir Jonathan Lethem. Hann var svo aftur tilnefndur til Rauðu fjaðrarinnar árið 2009, fyrir brot úr skáldsögunni Gæska. Árið 2012 hlotnaðist Eiríki þriggja mánaða launuð vist í Vatnasafninu á Stykkishólmi.
Nýjasta bók Eiríks er Ást er þjófnaður, sem kom út hjá Perspired by Iceland, 2011.
Mynd: Aino Huovio. Smellið fyrir hærri upplausn.
Frekar um bækur Eiríks.
Ljóð á lyrikline.
Ljóð á PennSound.
Ljóð á UbuWeb.
Ljóð á Nokturno.
Ljóð á Fict.is.
Ljóð á Youtube.