Hann er soldið einsog hellir fullur af myndum & svörtum & hvítum köflóttum fánum þar getur man auðveldlega óverdósað á koffíni enginn annar veitingastaður er nær heimili okkar, í mesta lagi fimm mílur, hann er mjög ódýr man getur farið þangað þótt man eigi næstum engan pening þau leyfa mani að nota símann ég get keypt tartarsteik fyrir $2.25 en ég hef aldrei kallað það það segi bara hamborgari með eggjarauðu pikkles & hvítlauksdufti auk sjávarsaltsins sem ég tek með mér eigandinn, h (sem h-borgarinn heitir eftir) er mælskur, furðulegur, með jólasveinabumbu undir axlaböndunum það eru öskubakkar útumallt & dásamlegt gamaldags kúluspil hann minnir á east nassau en hann er í west lebanon held ég man getur alltaf talað um veðrið og veiðar kúnnarnir eru víðsýnir einsog þjónustustúlkan & þjónninn sem fer á hnén þegar hann tekur á móti pöntunum á veiðitímabilinu opnar staðurinn hálffimm að morgni hann er skráður til sölu en þeim er ekki alvara eiginkonu h finnst að hann eyði of miklum tíma þarna (sem er satt) og þess vegna fór hún að kalla hann sama nafni og hundurinn þeirra, peaches h horfir mikið á northern exposure, ó & ég gleymdi að nefna uppstúfinn með hakkinu sem er gerður frá grunni, gráleitur & geggjaður & borinn fram á brauðbollu. um daginn keypti h reykofn & í ár ætlum við að mæta í gamlárs- partíið & éta fylltar rækjur og/eða humar Bernadette Mayer